De Verwaltung von Vogelers Huus

Dat Anwesen is 1990 von de Stadt Nienburg anschafft worden und wör 1994 als Begegnungsstelle för alle Holtorfer Börgers andacht. Nun möss aber noch jemand funden woren, de dat Huus för den Zweck verwaltet und instandholt. Dorför käm alleen de Heimaatvereen Holtorf in Betracht und so wör dat mit eenen Vertrag ok afmaakt.

Dat Huus is een schönen Mittelpunkt nich nur för den Heimaatvereen, sondern ok för de Holtorfer Vereene, de dat schöne Gebäude mit all de Rühmlichkeiten nutzen künnt.

Weil de Heimaatvereen aver de Ünnerhaltungskosten alleene nich upbringen kann, givt de Stadt Nienburg eenen Toschuss. Düsse Posten und de Benutzungsentgelte för private Veranstaltungen bringt eenen lüttjen Deel von den Ünnerhalt wedder in de Kasse.
Wenn eene Bewirtung bi Veranstaltungen nötig is, denn geiht dat nur mit de Holtorfer Gastronomie oder Catering-Betriebe. Details kann man bi Fiern in Vogelers Huus aflesen.

Aber Fiern und Empfänge sünd nicht allet in Vogelers Huus. Dor givt dat ok plattdütsche Vördräge, Utstellungen und kulturelle Veranstaltungen, de immer een vullet Huus verspreken.

In 2006 wör dann von den Heimaatvereen een lütjet Gerätehuus in Fachwark inweihet. Dat güng mit veel Eigenleistung, veelen Spendern und Ünnerstützung von den Ingenieurbüro, de dat torechteplant hät.

Wi wünscht us, dat de beiden Gebäude als markante Punkte in Holtorf noch lange för de Gemeinschaft erholen blifft.